Mga Handurawan sa Kagahapon sa Sugbo

Siyudad sa Sugbo-Nagkatibo pagbalik ang mga mga mahiligon sa sining, kultura ug kasaysayang Sugbuanon. Isip pahaum sa kasaulugan sa National Heritage Month, gipahigayon ang Gabii sa Kabilin 2017. Sa laing tuig, daghang mga  museo ug mga makasaysayonong mga lugar dinhi sa kinapusuran sa Sugbo gibuksan hangtud sa tungang gabii aron masud-ong sa katawhan ang madagayon nga kasaysayan ug kultura sa mga Sugbuanon.

gsk2

Ang Museo Sugbo, ang kanhi bilanggoan nga gihimong museo tungod sa paningkamot sa kagamhanang probisiyal sa Sugbo pipila ka tuig ang nakalabay.  Ang tartanilla tipik ug kabahin na sa kasaysayan sa Sugbo tungon kini mao ang unang matang sa panakyan niadto,ilabi na sa kinapusuran nga bahin sa Sugbo.

IMG_6314

 

IMG_6241Sa Casa Gorordo, usa sa mga labing una ug karaang museo sa Sugbo. Ang Casa Gorordo, ako nahunumdom nga usa sa mga pirming duawon sa field trip nga ipahigayon sa among tunghaan niadto sa elementarya ug high school.Haduol ra usab sa Casa Gorordo ang mosunod nga lugar nga gibisita sa mga mitambong, mao kini ang Yap-Sandiego Ancestral House. Gi ingon nga natukog ang maong panimalay niadtong tuig 1880. Ug sagad sa makit-an sulod sa maong balay mao ang mga imahe sa mga santos nga mga karaan na kayo. Sa gawas, nakita sa mga dumuduong ang mga pasundayag sa Sandiego Dance Group nga gipanguluhan sa inilang apo sa kanhi tag-iya sa maong balay.

Sa pipila na tuig nga pagpahigayon sa Gabii sa Kabilin, unang higayon nakong natigayon sa pagbisita ang Jesuit House nga anaa sa dalan Zulueta Street nga giingong maoy labing karaang balay sa Pilipinas tungod nga giingong nastukod niadtong tuig 1730. Akong kahinangha sa kakaraan sa sa maong balay ug ang mga antigong mga butang nga anaa makit-an sa balay. Laing nakapahingangha nako mao ang pagparepreserbar sa maong balay bisan sa pila n aka mga bagyo,linog ug bisan sa gubat sa kalibutan.

IMG_6242IMG_6243IMG_6244IMG_6247DCIM102MEDIA

Nabisita usab nako ang Cebu City Public Library ug nagpahulagway sa ilang Vintage Bus. Ang katapusan nakong nabisita ang Fo Guang Shan Chu Un Temple nga mipasundayag sa Siddharta the Musical.

18789417_10211736178973236_247938017_o

IMG_6270IMG_6267IMG_6290

 

Hinaut nga mao kini mamahimong sumbanan sa uban pang mga local nga kagamhanan sa tibuok nasud nga hatagan ug gibugaton kining matang sa turismo diin maoy mopunting sa mga local nga mga turista, sama sa kadaghanan kanato nga wala pa masuhito sa  kasaysayan sa Sugbo.Na anugnan kayo ko sa mga tawo nga wala maka apil sa maong kalihukan. Ilabi na niadtong mga batan-on nga wala na maghatag ug igong gibug-aton ug interes sa atong kasaysayan, ilabi na sa kulturang Sugbuanon.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s